Menu
Pas një pauze katër vjeçare, reality-show më i ndjekur ‘BigBrother Albania’ u rikthye por tani në një format tjetër me personazhe të njohura ‘VIP’.
Banorët e shtëpisë janë pa dyshim më të komentuarit në rrjet, dhe në mediat sociale, burimi i meme-ve këto kohë dhe sigurisht temë bisedash në shtëpi, punë, kafene.
Megjithatë, disa prej personazheve të famshëm shqiptarë, e kanë refuzuar ftesën, për arsye nga më të ndryshmet!
Çiljeta
Në Instagramin e saj Çiljeta na zbuloi se ftesën e ka marrë. Por ka refuzuar për një arsye të thjeshtë e shumë të rëndësishme në të njëjtën kohë. “Në fakt e mora por më shijon më shumë shtëpia ime”, ka treguar këngëtarja.
Roza Lati
Moderatorja e ‘Why Not’ tregoi se ka refuzuar Big Brother Vip për arsye pune. “Më erdhi keq, pasi e di që ndoshta mund t’i duhesha atij formati, por nuk e kam luksin të rri 3 muaj aty. Kam punë’,- tregoi ajo për Prive.
Lexo me poshtë…
Robert Berisha
Robert Berisha ka pranuar se ka marrë një ftesë për të hyrë brenda shtëpisë së Big Brother një muaj para se të niste reality show. Në një intervistë të fundit, këngëtari është shprehur se nuk do të pranonte kurrë të bënte diçka të tillë për të dhënë show.
“Të lë unë vajzën time dhe emisionin tim për të hyrë e për t’i bërë show Top Channel. No money no funny. Askush nuk paguhet, është e pavërtetë dhe në fund a i marrin apo jo 100 mijë eurot, siç ka ndodhur dhe në vitet e tjera. Të lë jetën time për të të bërë show ty duhet të më paguash”, u shpreh këngëtari.
Mihrije Braha
Ftesa i ka shkuar edhe këngëtares së njohur me prejardhje nga Mitrovica, Mihrije Braha. Kjo e fundit duket se për shkak të angazhimeve të shumta, nuk ka mundur që ta pranojë ftesën e të qenurit e izoluar brenda ambienteve të Big Brother VIP për një periudhë relativisht të gjatë.
Emisioni “Prive” zbuloi se këngëtares i është ripërsëritur ftesa me insistim disa herë për të qenë pjesë e formatit, por ajo përfundimisht e a refuzuar.
Linda Halimi
Linda Halimi ishte këngëtarja e cila i vuri kusht ‘Big Brother VIP’ që të futej brenda shtëpisë bashkë me vajzën e vogël. Këtë e zbuloi vetë këngëtarja me anë të një postimi në llogarinë e saj. “Isha unë. S’mund ta leja Kalamonin 100 dite pa mamin”- shkruante Linda.
Kleoniki Delijorgji
Modelja ka treguar se nuk do të merrte pjesë në këtë format, duke zbuluar se ka plane të tjera. Gjithashtu ajo e ka konsideruar si eksperiencë të pashëndetshme.
Vazhdo me poshtë…
Oriola Marashi
Xhoi Jakaj, e ëma e Oriola Marashit, ka zbuluar në “Wake up” se edhe modelja ka marrë ftesë.
“I ka ardhur, por nuk ka patur kohë”, tha psikologia.
Marjana Kondi
Miku i saj, Ervin Kurti zbuloi në “Pardon My French” se Marjanës i është bërë ftesa për të qenë pjesë e “Big Brother”, por ajo nuk ka pranuar.
Shpat Kasapi
Shpat Kasapi dhe Selvija presin të bëhen për herë të parë, prindër të një djali dhe përtej shakave, kjo ishte e vetmja arsye që Shpati nuk e pranoi ftesën e “Big Brother” pasi do t’i qëndrojë pranë bashkëshortes së tij gjatë periudhës së shtatzënisë.
Fation Kuqari
Ish-konkurrenti i “Për’puthen”, Fation Kuqari, ka marrë ftesë për tu bërë pjesë e lojës së “Big Brother VIP”. 26-vjeçari zbuloi se e ka refuzuar ftesën për një arsye të fortë.
Gjatë një interviste për “Goca dhe Gra”, Fationi tha: ” Nuk jam futur për arsye se duke njohur veten… je në një shtëpi, bashkëjeton me një shok edhe ka intriga, jo më… Nuk shkoj për tu zënë, por nuk dihet, nuk mund të parashikoj, jam tip që nuk rri dot në një vend dhe jam shumë emocional, në maksimum”.
Mbrëmjen e së shtunës në Top Channel ka nisur edicioni i tretë i “Big Brother VIP 3”. Një reality show, i cili…
Moderatorja e njohur, Roza Lati, është përlotur mbrëmë përpara se të shtrihej për të fjetur…
Përzgjedhja e gazetares Ilnisa Agolli si lidere shtëpie pas largimit të Drini Zeqos, ka nxitur debate në Big Brother VIP në edicionin e tretë të tij…
Email address
info@bla-bla.al
Copyright © 2022 Bla-bla.al
Powered by Alcoders