Dita e premte shënon edhe finalen e madhe të Big Brother Vip, në të cilën produksioni ka përgatitur një sërë elementësh spektakolarë.
Sipas burimeve të brendshme pranë ‘Top Channel’ kemi arritur të zbulojmë disa nga elementët e kësaj nate e cila do të shënojë edhe kulmin e audiencës.
Një ndër elementët do të jetë zhvendosja e banorëve në qytetin e Vlorës ku teknika dhe stafi i Top Channel po punojmë për realizimin e kësaj lidhje direkte.
Banorët do të zhvendosen me helikopter në qytetin e Vlorës dhe shpallja e fituesit do të bëhet pikërisht nga ky qytet konkretisht në “Lungo Mare”.
Një ndër elementët penalizues për realizimin e kësaj zhvendosje mund të jetë moti i keq që mund ta bëj të pamundur zhvendosjen e banorëve si edhe mund të sjellë vështirësi në lidhjen teknike.
Elementi tjetër surprizues do të jetë lidhja direkte me “Pallatin e Kongreseve” ku kësaj rradhe do të shndërrohet në një arenë fansash për 4 finalistët të cilët do të ndjekin live gjithë spektaklin.
Në diskutime është edhe prezenca e kryeministrit në finalen e madhe. Po përflitet se do të jetë pikërisht Z. Rama i cili do të shpallte fituesin e këtij edicioni të ‘Big Brother Vip’. /Pamfleti