Situatë dramatike mes Ukrainës dhe Rusisë. Raportohen bombardime, viktima, kaos në rrugë, bankomate dhe qendra tregtare.

E megjithatë presidenti i Ukrainës Volodymir Zelinsky, ka bërë thirrje për qetësi.

Madje në një fjalim ai motivoi kombin e tij duke thënë se ‘ne do të fitojmë të bashkuar’!

Sipas BBC, në një konferencë për media, Zelinsky deklaroi ndër të tjera se ka lajmëruar qytetarët se do të pajisen me armë.

Më herët ai shpalli dekretin për gjendjen e jashtëzakonshme dhe njoftoi se qytetarët do të jenë rezervistë. Ata nuk mund të largohen më nga vendi dhe nëse ndryshojnë vendbanim brenda shtetit, duhet më parë të njoftojnë degën ushtarake lokale.

Ukraina ka njoftuar zyrtarisht ndërprerjen e marrëdhënieve diplomatike me Rusinë.