Çifti i parë që spikati sapo hyri në Big Brother VIP 2 ishte ai Kiara-Luiz.

Teksa në fillim kishin ditë të bukura por edhe debate me njëri-tjetrin, së fundmi duken mjaft të qetë në shoqërinë e njëri-tjetrit.

Madje pas dasmës që bënë në kuadër të lojës, Luizi e quan edhe ‘muaji i mjalitit’, të cilin do ta vazhdojnë edhe pasi të dalin nga aty, duke shijuar një udhëtim në Maldive.

Kohët e fundit kemi parë puthje e përqafime në çdo cep të shtëpisë, shprehje ndjenjash, xhelozi të vogla dhe biseda “të fshehta” gjatë natës.

Këngëtari i njohur është aq i bindur për ndjenjat që ka ndaj moderatores, sa është shprehur se e sheh atë si nënën e fëmijëve të tij. Që e dashuron si i çmendur dhe “mbaron për të”, këtë e di gjithë Shqipëria.

Megjithatë, këto tre deklarata të forta siç vetë Luizi ia pranon Kiarës, nuk ia ka thënë asnjë femre tjetër në jetën e tij:

“Faleminderit që ekziston! Dua të bëhesh nëna e fëmijëve të mi! Mos më lër kurrë!”