Mbrëmjen e djeshme në “Big Brother Vip” u zhvillua “Cabaret Night”, ku banorët interpretuan dhe kënduan para njëri-tjetrit.

Në performancën e tij me Valbona Memën, Krist Aliaj ishte veshur me veshje popullore, të cilat pas shfaqjes e ndihmoi Olta Gixhari ta hiqte. Ishte vetë Kristi që i kërkoi ndihmë aktores. Ndërkohë që po e ndihmonte, ai e “akuzoi” Oltën se e kishte gërvishtur te krahu.

Duket se kjo ‘akuzë’ nuk i ka pëlqyer aspak aktores, e cila i ka thënë Kristit se ‘po luan shumë keq me të’ dhe se ‘është e shëmtuar’.