Këngëtarja e njohur, Beatrix Ramosaj, kur ishte brenda shtëpisë së “Big Brother VIP”, përveç lidhjes me aktorin e humorit, Donald Veshaj, është komentuar gjithashtu edhe për shumë momente të tjera.

Një ndër këto momente është edhe fraza e njohur “qysh thuhet bukur n’shqip” e thënë nga ajo gjatë qëndrimi të saj në shtëpi.

Menjëherë videoja e saj teksa thotë këtë fjali u ripostua në shumë rrjetet sociale, Instagram dhe Tik-Tok, ku ndjekësit bënë shumë komente.

Por, së fundmi batuta e Ramosajt është parë edhe në portestën e madhe që u zhvillua mbrëmjen e sotme përballë kryeministrisë, për uljen e çmimit të naftës.

Vetë këngëtarja ka ripostuar në “Instastory” një foto nga një faqe, ku duket një qytetar i cili mban në dorë një pankartë ku shkruhet: “Si i thuhet në shqip: Ul taksat”.

Këngëtarja e dashur për publikun e ka marrë me shumë sportivitet postimin duke e shoqëruar me disa emoji, një nga të cilë është një emoji duke qeshur.